Sunday, March 30, 2014

 SOMO: KUWAFUATILIA

PASTOR: ADRIANO 
TAREHE: 30-03-2014
Mchungaji Baraka Thomas (RP) akimkaribisha mch Adriano
Utangulizi: Leo tutawafuatilia adui zetu mahali popote walipo na tutarudisha nyara walizochukua kutoka kwetu kwa jina la YESU, tunaamua kuwafuata kupigana nao na kurudisha kila walichokichukua kwetu kwa jina la YESU
Mchungaji Ngazi ya RP ADRIANO MAKAZI akianza kufundisha Neno la Bwana 
Isaya 42:22 “Lakini watu hawa ni watu walioibiwa, wamekuwa mawindo wala hapana okoaye, wamekuwa mawindo wala hapana asemaye rudisha”
 Isaya alikuwa anaona maono ya Bwana na katika maono aliona kuna watu walioibiwa na kutekwa na katika majira hayo wachawi walikuwa wanaweza kufanya lolote na hakuna aliyewakataza, nyakati zile watu walikuwa hawana jinsi maana hakuna aliyesema RUDISHA.
Biblia inasema watu hawa ni watu walioibiwa na kutekwa,  maana yake kuna watu walioibiwa nyota zao , akilia zao , ndugu zao , mali zao na nyuso zao,  watu wengine wameibiwa vichwa. Kuna mtu anaweza kutekwa kama anafanya biashara akili na nyota yake ikaanza kutumiwa na mtu mwingine na yeye hawezi kufanya jambo lolote kwa uwezo wake binafsi, unashangaa mtu anafanyiwa mambo ya ajabu lakini anakua hana uwezo hata wa kuhoji kwasababu nyota yake imeibiwa.  .Leo tunawafuata adui zetu maana tunaye kiongozi YESU KRISTO na nguvu tunazo na hakuna anayeweza kutuzuia tukiwa na kamanada Yesu .  Kwa nyakati hizi tunazoziendea lazima wachawi waaibishe na hawatakuwa na la kusema kwa jina la Yesu kwa maana tunawafuata kwa uwezo wa jina la Yesu.
Leo tunafanya maandamano ya rohoni na kuwafuatilia maana sisi ni majeshi ya Bwana na tunajua kila mahali na kila kitu, kwa kuwa shetani hana kitu kwa maana alipoasi mbinguni alinyang’anywa vyote hivyo naye anachofanya ni kuiba vya wengine ili avitumie , lakini leo tunamfuata na kumnyang’anya vyote , katika jina la YESU.
Neno rudisha ni silaha hatari  linapotamkwa lazima kuzimu nzima itaharuki na kuwaka moto, kwa hiyo tunapowaendea lazima tuwanyang’anye vyote. Shetani anawateka na kuwaweka watu gerezni na ndo maana mtu anapokuwa ibadani anaanza kusinzia kumbe shetani katangaza kuwa wafungwa wake wote lazima walale. Unapokuwa gereza la rohoni unakua unapanga mipango yako lakini haiwezi kutekelezeka kwa sababu uko gerezani unapopanga nifunge na kuomba inashindikana kwa maana tangazo linatoka kuzimu wafungwa wangu wawe na hamu sana ya chakula. Kwa hiyo huwezi kutoka gerezani mpaka atokee wa kusema rudisha. Na mchana wa leo utaona tunaposema njoo magereza ya kuzimu yanapsasuka na kuvunjika vipande vipande na watu wa Mungu  wanaachiliwa.
Wanajua kuna milango mingine inayofunguka kumbe ni mitego ya shetani anakutega ukiingia anafunga. Kwa hiyo kuna uwezekano kabisa mtu kuwa gerezani ndiyo maana unaweza akapanga kuomba lakini ukashindwa kumbe mkuu wa gereza(shetani) ametangaza wafungwa wote walale. Mahali kama hapo unatakiwa kutumia neon njoo na sio toka. Unapoita njoo inakuwa hatari kwa shetani kwa maana anajua mwenyewe amekuja lakini  neno toka halimsumbui kwa maana hawezi kuuacha mwili peke yake yeye ndo ameumiliki, kwahiyo neno njoo linasababisha yule mfungwa aliyefungwa kwenye gereza la kishateni kuchomoka na kuwa huru kabisa.
IBRAHIMU ALIRUDISHA BAADA YA KUFUATA
Mwanzo 14:8-16 Utaona wafalme wa Sodoma na Gomora  walitegewa mashimo na kunaswa kwa maana hawakujua mbinu za adui zao kuwaita mahali pale, ndo maana kuna watu wameanza vizuri kumtumikia Mungu na baadae  wakanaswa kwenye mashimo ya uharibifu na sasa ni watumishi wa joka(shetani) na wanaona aibu kusema lazima watu walio nje wanajua yeye ni mtumishi wa Mungu lakini wameshamuacha Mungu siku nyingi.  Heri wewe uliyeamua kukimbilia ufufuo na uzima kwa maana  utapewa maarifa ambayo ni Roho Mtakatifu  na utawafuata ndugu zako  na vyote vilivyoibiwa kwa Jina la Yesu.
MGANGA WA KIENYEJI ALIPOFUATWA NA KUHAMISHWA NA MAJESHI YA BWANA
Mchungaji ADRIANO MAKAZI (RP) akiwa anasoma Neno la Bwana 
Wakati tulipokuwa Ubungo  mwaka 2004 kuna mganga mmoja wa kienyeji anaitwa Lamba lamba hapo jirani  sasa siku moja tukaamua kwenda kumuhamisha mahali pale na tulikwenda kama wateja wake.Tulipofika tukamwambia sisi watatu tunakaa pomoja ila tumepotelewa na hela na kila mtu anakataa  sasa tunaomba utuambie nani amechukua  akasema sawa, akaanza kupiga manyanga yake na baada ya muda akasema tokeni kwangu kwa maana mmekuja kwa shari na akasema kama mkiamka asubuhi hai siyo mimi sio mganga lazima mtakufa , na sisi tukamwambia kama ni watumishi wa Mungu ikifika kesho bado uko mahali hapa unakufa. Kesho yake asubuhi na mapema akaamka na kufungasha kila kilicho chake akaondoka. kuna watu wanaoharibu kazi za watu , hii inatufundisha wakati mwingine lazima tuwafuate sio kuomba pakee.
Usidhani Tanzania tulipata Uhuru bila kupigana vita siyo,kwa kuwa baba wa Taifa alikuwa mtu wa rohoni upande wa giza kwa hiyo kuna vitu alivyofanya rohoni na kuwaondoa wakoloni ndiyo maana vitu vile alivyofanya vinatupeleka pabaya utaona tuna rasilimali nyingi lakini hatuwezi kuzitumia wenyewe na tunabaki masikini na omba omba kwa mataifa mengine kwasababu ya msingi wa giza uliowekwa na waanzilishi wa taifa.
SHETANI ALIONDOKA MBINGUNI BAADA YA VITA KUPIGANWA
Ufunuo 12:7-16 , Vita ilipiganwa mbinguni na Lusifa(Shetani) akatupwa chini. Hii inatufundisha kwamba hakuna kumiliki bila kupigana, huwezi kuolewa bila kupigana, huwezi kujenga bila kupigana, huwezi kusoma bila kupigana, huwezi kupata hehima bila kupigana, leo katika ulimwengu wa roho unadharauliwa kwa sababu unapigwa, hata Rebeca alikuwa na mapacha tumboni walioanza kupigana tumboni wakishindana nani amtumikie mwingine. Hata wewe lazima upigane ndo maana wenzako wanaenda kwa waganga wa kienyeji wanapigana na kupata vyeo ndio maana wanapopita barabarani wanapigiwa ving’ora kwa maana wamepigana na kushinda rohoni.
Katika mapigano kuna kujeruhiwa  au kufa lakini sisi katika mapigano haya hatuwezi kufa kwa maana YESU alishakufa kwa ajili yetu ila adui zetu lazima wafe.
Maombi ya kuwafuata adui na kurudisha ulichoibiwa
Mchungaji Ngazi ya RP ADRIANO MAKAZI anasisitiza jambo wakati akifundisha Neno la Bwana 
Kwa mamlaka ya jina la Yesu ninawafuata adui zangu wote walioiba nyota yangu, fedha zangu, ustawi wangu, heshima yangu, kibali change na vyote nilivyoibiwa kwa jina la Yesu. Ninawateketeza adui wote wa rohoni, adui majini, majoka, mizimu na wengine wote ninawateketeza kwa jina la Yesu na ninaangamiza uweza wenu wote.
Ninaamuru kila ambacho mmeniibia anza kurudisha kwa jina la Yesu, ninaamuru vyote vilivyoibiwa njooo kwa jina la Yesu( anza kuita vitu vyote ambavyo unahisi shetani ameviiba katika maisha yako kwa jina la Yesu)





Watu mbali mbali wenye pepo na walikuwa wamechukuliwa Msukule wakiombewa na Wachungaji

Moja wa Wachungaji akimwombea kijana akiyekuwa amepagawa na Mapepo

Wachungaji mbali mbali wakiwaombea walikuwa wamepagawa na mapepo

Mchungaji MAX na Mchungaji YEKONIA BIHAGAZE wakiwa wanamfungua dada ambaye alikuwa amefungwa na ibilisi

Wachungaji wa Ufufuo na Uzima wakiwafungua washirika waliyokuwa na mapepo




Wednesday, March 19, 2014

ANASWA UFUFUO NA UZIMA - ARUSHA AKIWA ANAFANYA UCHAWI


Katika hali isiyo ya kawaida mtu huyu ajulikanaye kwa jina la Shabani Hamis amenaswa akiwa anafanya uchawi katika kanisa la Ufufuo na Uzima Arusha.



Matukio ya kunaswa wachawi yamekuwa mengi kanisani hapo kutokana na uweza wa Mungu unaojidhihirisha kupitia Mchungaji Kiongozi wa kanisa hilo, Frank Andrew.

Pamoja, na kukutwa bila nguo mtu huyo aliyekuwa amebeba vifaa ambavyo kwa mujibu wa maelezo yake, huvitumia kuwanga na kupaa. Tukio hilo la aina yake limetokea Usiku wa saa sita, wakati mkesha wa maombi ukiendelea kanisani hapo.

Baada ya maombi makali ya kuharibu uchawi katika anga la Arusha, ikafuatiwa na tukio hilo. Mungu ni mkuuu maana hapana uchawi wala Uganga juu ya watu wa Mungu.


Sunday, March 16, 2014

MAELFU WASAMBARITISHA MAZAO YA NDOA ZA KISHETANI NA MCH. JOSEPHAT GWAJIMA



KUHARIBU MAZAO YA KISHETANI/KICHAWI


PASTOR: JOSEPHAT GWAJIMA
16/03/2014

1samweli3:4 basi, wakati huo Bwana akamwita Samweli; naye akasema, Mimi hapa.
5 Akamwendea Eli kwa haraka, akasema, Mimi hapa; kwa maana uliniita. Akasema, Sikukuita; kalale tena. Naye akaenda, akalala tena.
6 Bwana akaita mara ya pili, Samweli! Samweli! Akaondoka akamwendea Eli, akasema, Mimi hapa; kwa maana uliniita. Akajibu, Sikukuita, mwanangu; kalale tena.
7 Basi Samweli alikuwa hamjui Bwana bado, na neno la Bwana lilikuwa bado halijafunuliwa kwake.
8 Bwana akamwita Samweli mara ya tatu. Naye akaondoka akamwendea Eli, akasema, Mimi hapa; kwa maana uliniita. Ndipo Eli akatambua ya kuwa Bwana ndiye aliyemwita yule mtoto.
9 Kwa hivyo Eli akamwambia Samweli, Enenda, kalale; itakuwa, akikuita, utasema, Nena, Bwana; kwa kuwa mtumishi wako anasikia. Basi Samweli akaenda akalala mahali pake.
10 Bwana akaja, akasimama, akaita vile vile kama kwanza, Samweli! Samweli! Ndipo Samweli akasema, Nena, Bwana; kwa kuwa mtumishi wako anasikia.

Mungu anamwita samweli mara tatu na sauti ya Mungu inafanana kabisa na Baba yake wa kiroho Eli na anamwendea mara tatu ndipo Eli alimfundisha jinsi ya kuitika na akamwambia aseme 'sema Bwana mtumishi wako anakusikia ' na Mungu anatufundisha kuwa anaweza kututokea na katufundisha jinsi ya mfanop wa Baba wa kiroho.
Ukiona mtu anafanya vizuri jua kuna nguvu ya kiroho na ukiona anasuasua jua pia kuna nguvu za kiroho zinazofanya kazi na kukusababisha mambo yakutokee kimwili.
Mungu tunaye mwabudu anatuponya magonjwa na tabu zote za maisha yetu.na watu wengi wanapenda kudharau ndoto.
yuda1:1 Yuda, mtumwa wa Yesu Kristo, ndugu yake Yakobo, kwa hao walioitwa, waliopendwa katika Mungu Baba, na kuhifadhiwa kwa ajili ya Yesu Kristo.
2 Mwongezewe rehema na amani na upendano.
3 Wapenzi, nilipokuwa nikifanya bidii sana kuwaandikia habari ya wokovu ambao ni wetu sisi sote, naliona imenilazimu kuwaandikia, ili niwaonye kwamba mwishindanie imani waliyokabidhiwa watakatifu mara moja tu.
4 Kwa maana kuna watu waliojiingiza kwa siri, watu walioandikiwa tangu zamani hukumu hii, makafiri, wabadilio neema ya Mungu wetu kuwa ufisadi, nao humkana yeye aliye peke yake Mola, na Bwana wetu Yesu Kristo.
5 Tena napenda kuwakumbusha, ijapokuwa mmekwisha kujua haya yote, ya kwamba Bwana, akiisha kuwaokoa watu katika nchi ya Misri, aliwaangamiza baadaye wale wasioamini.
6 Na malaika wasioilinda enzi yao wenyewe, lakini wakayaacha makao yao yaliyowahusu, amewaweka katika vifungo vya milele chini ya giza kwa hukumu ya siku ile kuu.
7 Kama vile Sodoma na Gomora na miji iliyokuwa kando-kando, waliofuata uasherati kwa jinsi moja na hawa, wakaenda kufuata mambo ya mwili yasiyo ya asili, imewekwa kuwa dalili, wakiadhibiwa katika moto wa milele.
8 Kadhalika na hawa, katika kuota kwao, huutia mwili uchafu, hukataa kutawaliwa, na kuyatukana matukufu.
9 Lakini Mikaeli, malaika mkuu, aliposhindana na Ibilisi, na kuhojiana naye kwa ajili ya mwili wa Musa, hakuthubutu kumshitaki kwa kumlaumu, bali alisema, Bwana na akukemee.

 ufunuo12:9 Yule joka akatupwa, yule mkubwa, nyoka wa zamani, aitwaye Ibilisi na Shetani, audanganyaye ulimwengu wote; akatupwa hata nchi, na malaika zake wakatupwa pamoja naye.


mashetani ni malaika waovu ambao wameshushwa kutoka Mbinguni na kuna malaika wachafu(wa giza) na malaika wazuri na wanapoitwa malaika wanakuwa na uwezo wa kubadilisha maumbo, pia utaona kwenye biblia malaika wakaenda sodoma na gomora na Lutu alikuwa kwenye lindo la mlango siku hiyo na alipo waangalia akaona sio watu wa kawaida akawabeba akawapeleka mpaka nyumbani kwake na Biblia inasema wenyeji wa sodoma na gomora wakawaona wale malaika kuwa ni wazuri kwa maumbo yao wakawataka wawaoe! na hapa tunajifunza kumbe malaika wa aina ya kijini wanaweza kuvaa maumbo ya kibinadamu na wakaolewa.
kwahiyo anavaa umbo ili awe na mahusihano na wewe na baadaye mkiachana mkagombana na yeye anabaki ndani yako ni malaika wa giza lakini si mtu na mnaweza mpaka kuzaa watoto na wanakuwa waluwalu ama ana akili sana ama hana akili; na ukiangalia majini hawa hata akicheka ndita haitoki usoni kwasababu asili yake ni kifo ni motoni kwasababu ni (Jini wakala wa shetani).
Si siku zote majini wanaweza wakavaa miili wakaenda kuoa au kuolewa na mtu lakini wanafanya hivyo kwa mtu aliyeshushwa na Mungu kwasababu ya alicho nacho kinaweza kuwa ni kusudi la kuwa daktari ama mtumishi wa Mungu ama raisi. na jini anatumwa aje kuwaingilia katika maisha yao katika kufunga na huyu mtu wa Mungu ndoa ili ampindishe lile kusudi lake alilowekewa.
Hawa majini ama mashetani wanavaa miili kwasababu wanakuwa wanafahamu watu waliotumwa na Mungu kuja kufanya kazi ya Bwana ili kuwaharibia kusudi lililowekwa na Mungu lisitendeke kupitia maisha mikoni yao.
Mungu amekupa safari ya kuanza na kumaliza na utaimaliza kwa maana imeandikwa "nayaweza mambo yote katika yeye anitiaye nguvu."
Ukiona kila kitu kipo vizuri jua kwamba shetani ni rafiki yako na unahatari kubwa, kama gari unalotaka unalo, kazi unayoitaka unayo jua unahatari kubwa kwa maana hakuna mteremko katika wokovu na unatakiwa kupigana. Na shetani hawapendi watu wa Mungu na huwavuruga na kuwa kwamisha. na hatuna matatizo bali tuna changamoto na tunatakiwa tupambane kwa silaha tunazojifunza.
kila aliyetoka Mbinguni ana makusudi ya Mungu na hataenda Mbinguni mpaka kazi aliyotumwa na Mungu ikamilike.kuna vyanzo vya rohonni vinakuzuia usifike katika kusudi lako sio kwamba huna hela Mungu ameacha mambo hayo yatendeke ili ujifunze kupigana vita."we have no failure in chrit but it is just a message that try other way allowed"
Yeremia1:4 Neno la Bwana lilinijia, kusema,
5 Kabla sijakuumba katika tumbo nalikujua, na kabla hujatoka tumboni, nalikutakasa; nimekuweka kuwa nabii wa mataifa.
6 Ndipo niliposema, Aa, Bwana MUNGU! Tazama, siwezi kusema; maana mimi ni mtoto.
7 Lakini Bwana akaniambia, Usiseme, Mimi ni mtoto; maana utakwenda kwa kila mtu nitakayekutuma kwake, nawe utasema kila neno nitakalokuamuru.
8 Usiogope kwa sababu ya hao maana mimi nipo pamoja nawe nikuokoe, asema Bwana.
9 Ndipo Bwana akaunyosha mkono wake, akanigusa kinywa changu; Bwana akaniambia, Tazama, nimetia maneno yangu kinywani mwako;
10 angalia, nimekuweka leo juu ya mataifa na juu ya falme, ili kung'oa, na kubomoa, na kuharibu, na kuangamiza; ili kujenga na kupanda.

Mungu alikujua tangu tumboni kabla mama na baba yako hawaja fahamiana.aliandaa kazi yako na majukumu yako yaliandaliwa kabla hujazaliwa na unapozaliwa shetani kupitia waganga wa kienyeji na wachawi na malaika wake wanajua amezaliwa Rais ndiyo maana Yesu alipozaliwa mamajusi walitoka mashariki. na mambo yale ambayo hujawahi kuyaona na kuyawaza na kuyamiliki ameyaweka kwetu na ametufunulia kwa uweza wa Roho wake kwamaana siku moja Mungu anaweza kuibadilisha kwa miaka yako 60 uliyo nayo na kubadilishia maisha yako ukafanya kazi ya miaka elfu moja ukawa tajiri kutoka kwenye ufukara.
kwahiyo shetani akiona huyu dada,mama,mchungaji,binti,baba anakitu kule mbele cha ajabu tumejaribu kumzuia imeshindikana basi tumtumie mtu atakaye pindisha kesho yake kutoka kuuzimu na mtu aliyetumwa ayapindishe maisha yako anaweza kufanya kitu chochote.
kama unakitu cha Mungu utajisikia kawaida wala hutajisikia tofauti yeyote na unakuwa unaweza kukosea kama binadamu.
Rada na decoda za kishetani zinaweza kurekodi maisha yako na wanaweza kujua kwenye chuo kikuu cha dar es salaam kuna mtu pale lakini wewe hujijui na unaweza kuitwa lakini wewe hujijui kama yohana mbatizaji alivyokuwa anabatiza na kuwaonyesha watu kuwa mwanakondoo wa Mungu akiwa na miaka 30 na wayaudi wa kawaida wakamwona kijana wa kawaida kutokea nazareti lakini yohana alikuwa anaona ndani yake kuwa ni Mungu aliye umba mbingu na nchi akawaambia nayeye anakuja kubatizwa hapa na yohana akamwambia mimi ndio unibatize wewe na Yesu akawaambia ambatize ili yote yatimie.
Inafika sehemu mtu anapokuwa ana hatima kubwa shetani kuzimu anatumwa kuja kuipindisha hatima yako na anaweza asiwe mume hata bosi anaweza kutumwa na sio lazima awe ni jini anaweza akawa mtu anakuja katika maisha yako ili ushindwe kuifanya hatima yako uliyopewa na Mungu na hata kama amesha kupiga chini simama na uanze
unachotakiwa ukifanye ili usimame tena na kupigana ni mambo haya yafuatayo:
1  Jaribu na ubaini aliye fanya maisha yako yaanze kubadilika anaweza akawa mtu ama jini ulipo kuwa na nani au unafanya nini au kitu ulichokuwa nacho
2  Ubaini yupo wapi huyu mtu na anafanya nini ili asije akarudi tena anaweza kuwa ni shetani anajua hauja mfahamu na ukisha mjua unatakiwa uanze kufyeka katika Jina la Yesu; Na kipindi ambacho unahitaji unatakiwa uwe makini kwasababu unaweza ukaletewa kitu cha kukuharibia maisha yako na ndio maana hayo maisha yako uliyo nayo sasa hukutakiwa kuwa hivyo na Mbinguni wanajua wewe ni mkurugenzi,daktari,waziri ila kuna mashetani ama watu yametumwa kukuzuia.
3 Amua kuacha mara moja na utaachaje unatakiwa  umwambie Mungu naomba uniondolee huyu wakala aliyekuja kwenye maisha yangu"ukisema katika jina la Yesu nakuponda ,nakuvunja,nakufyeka ana fyekwa kwasababu una nguvu ya Jina la Yesu pekee jina lipotalo majina yote tunaweza kushinda mamlaka za giza kwa jina la Yesu na sio dhehebu,sio mtu ni jina la Yesu pekee
mathayo10:Akawaita wanafunzi wake kumi na wawili, akawapa amri juu ya pepo wachafu, wawatoe, na kupoza magonjwa yote na udhaifu wa kila aina.

Tuna mamlaka ya kumwambia wakala wa shetani yeyote aondoke kwenye maisha yetu kwa jina la Yesu na inawezekana wale majini wanakaa ndani yako kwahiyo warudishe waliko toka kwa jina la Yesu.
Unakuta unaanza dalili za kumalizia vibaya unasema ni kusudi la Mungu ametaka umalizie, si kwamba Mungu ametaka unatakiwa ukatae kwa jina la Yesu na ukifanya hivyo anaondoka awe ni jini,pepo,shetani,mchawi,mganga,mzimu ama binadam ametumwa kwenye maisha yako anaondoka
 waefeso6:12 Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho.

4 Uwe tayari kushindana kwa mamlaka ya Jina la Yesu na vita hizi za mashetani kuwaingilia maisha na kuwa na uhusiano nao yanatokana kwa wale walio na kitu cha ki Mungu  ndani yao na tunashindana kwa jina na Damu ya Yesu kristo wa Nazareti.