BWANA YU PAMOJA NAWE MTU SHUJAA

UFUFUO NA UZIMA CATHEDRAL
IBADA YA JUMAPILI 03.11.2024
ASKOFU BARAKA THOMAS TEGGE
SOMO: BWANA YU PAMOJA NAWE MTU SHUJAA

Kuna wakati mtu anapopitia changamoto au matatizo anahisi kuwa Mungu hayupo, lakini Mungu yupo wakati wote. Kuna mambo Mungu anaruhusu  ili kukufanya kuwa shujaa na imara. Hakuna mtu anayemjua mwenzake ila Mungu ndio anayemfahamu kila mtu pamoja na hatima zao.

“Neno la BWANA lilinijia, kusema, Kabla sijakuumba katika tumbo nalikujua, na kabla hujatoka tumboni, nalikutakasa; nimekuweka kuwa nabii wa mataifa.” Yeremia1:4

Vile mtu anavyojiona ni tofauti na watu wengine wanavyomuona. Mtu unavyojiona ina nguvu kuliko watu wengine wanavyomuona. Mungu anawezaa kumbadilisha yule mtu aliyekuwa muovu na kuwa mtu mwema. Mungu yupo pamoja na mtu hatakama anapitia changamoto. 

“Malaika wa BWANA akamtokea, akamwambia, BWANA yu pamoja nawe, Ee shujaa.” Waamuzi 6:11

Mtu wa rohoni anavyojiona ni tofauti na mtu wa mwilini anavyomuona mtu. Ukifuata ule mtazamo wa rohoni utaishi sawasawa na mapenzi ya Mungu na kufanya hivyo haijalishi unapitia nini utakuwa imara tu. Unapomuomba Mungu anakukirimia yale yakupasayo kuyafanya ili kuweza kutimiza kusudi alilokupa kabla ya kuumbwa kwa misingi ya ulimwengu.

Mungu haangali kama wanadamu wanavyoangalia. Ili kuweza kujua Mungu anavyokuona wewe anatumia mtu ili kuweza kujua namna Mungu anavyokuona.

Wewe ni shujaa una uwezo wa kufanya mambo makubwa bila wewe kujua una huo uwezo kama ilivyokuwa kwa Gidioni. Gidioni alijiona kuwa hawezi ila Mungu alimwambia aende kuwaokoa wanaisraeli.

“BWANA akamtazama, akasema, Enenda kwa uwezo wako huu, ukawaokoe Israeli na mkono wa Midiani. Je! Si mimi ninayekutuma?” Waamuzi 6:14

Ukiwa ndani ya Mungu unakuwa salama haijalishi kuna mambo gani unayapitia. Hauwezi kupatwa na mabaya kwa maana Mungu yupo upande wako. Inakubidi usiogope kwa jambo lolote unalolipitia kwa maana Bwana ndio tumaini lako. Kuna mambo makubwa na mazuri mtu anayafanya kwa sababu Mungu yupo ndani yake. Inakubidi usiwe na hofu kwa maana hofu pia ni roho ya shetani.

“usiogope, kwa maana mimi ni pamoja nawe; usifadhaike, kwa maana mimi ni Mungu wako; nitakutia nguvu, naam, nitakusaidia, naam, nitakushika kwa mkono wa kuume wa haki yangu.” Isaya 41:10

Mungu hawa haangalii kama binadamu kwa sababu mwisho wa mtu ulishaamriwa na Mungu kabla ya kuumbwa kwa misingi ya ulimwengu. Haijalishi mtu huyo ni wa aina gani kama ilivyo kwa Gidioni ambapo baba yake alikuwa anaabudu miungu mingine, au Sauli ambaye ni Paulo ambaye alikuwa anaua watumishi wa Mungu ila Mungu aliwatumia kufanya mambo makubwa yaliyo mapenzi yake.

“WEWE NI SHUJAA MUNGU YUPO PAMOJA NAWE” AMEN

"BONYEZA HAPA KUANGALIA IBADA NZIMA YA JUMAPILI"