NAMNA HII HAITOKI ILA KWA KUFUNGA NA KUOMBA

UFUFUO NA UZIMA CATHEDRAL
IBADA YA JUMAPILI 10.11.2024
ASKOFU BARAKA THOMAS TEGGE
SOMO: NAMNA HII HAITOKI ILA KWA KUFUNGA NA KUOMBA

Katika hii dunia kuna matatizo mengi ya kukabiliana nayo, Na matatizo sio ya kuyakimbia ila ni kutafuta namna ya jinsi utakavyo kabiliana nalo. Maisha yako mengi hapa duniani utakuwa unakabiliana na matatizo mengi. Hata Mungu alipokuwa mtu alikutana na changamoto nyingi za maisha kama vile kuzaliwa kwenye holi la ng’ombe.

Kuwa mtu mzima ni kuwa na uwezo wa kuishi na matatizo na hakuna mtu atakae fahamu kuwa unatatizo na maisha mengine ya kawaida yanaendelea kama hakuna kitu kimekupata, Watu wanaacha kufanya kile walichoitiwa kwa kukwepa matatizo.

“Basi imetupasa sisi tulio na nguvu kuuchukua udhaifu wao wasio na nguvu, wala haitupasi kujipendeza wenyewe.” Warumi 15:1

Baadhi ya matatizo hapa duniani chanzo chake ni viumbe wa kiroho ambao ni mashetani, watu wasio na miili ambao wanaishi kwenye ulimwengu wa giza na ni watu wanaokufahamu kwa karibu kujua taarifa zako. Na ili kutatua matatizo hayo inakubidi uombe ili kushindana nao kwenye ulimwengu wa rohoni. 

“Tazama, nimewapa amri ya kukanyaga nyoka na nge, na nguvu zote za yule adui, wala hakuna kitu kitakachowadhuru.” Luka 10:19

Ni kosa kubwa sana kupuuzia mambo ya kiroho baada ya kuwa umefanikiwa. Watu wengi wa Mungu wameharibika kwa kuacha kuyafanya mambo ya Mungu baada ya kufanikiwa laikini watu wa dunia hii huendelea kuyafanya yale yalio wafanya ili wafanikiwe na kufanya kila masharti wanayopewa kwenye ulimwengu wa giza.

“Samweli akawaambia, Msiogope; ni kweli mmeutenda uovu huu wote; lakini msigeuke na kuacha kumfuata BWANA, bali mtumikieni BWANA kwa mioyo yenu yote.” 1Samweli12:20

Maisha ni ya rohoni na mambo yote yanaanzia rohoni matatizo na suruhisho la matatizo vyote vinapatikana rohoni, Maisha haya usipo jua kuutumia ulimwengu wa roho hutafanikiwa kutatua matatizo yanayo kupata Itabidi ujue namna ya kushugurika na viumbe wa kiroho wanao kuletea matatizo.

“Nao walipoufikia mkutano, mtu mmoja akamjia, akampigia magoti, akisema, Bwana, umrehemu mwanangu, kwa kuwa ana kifafa, na kuteswa vibaya; maana mara nyingi huanguka motoni, na mara nyingi majini. Nikamleta kwa wanafunzi wako, wasiweze kumponya. Yesu akajibu, akasema, Enyi kizazi kisichoamini, kilichopotoka, nitakaa pamoja nanyi hata lini? Nitachukuliana nanyi hata lini? Mleteni huku kwangu. Yesu akamkemea pepo, naye akamtoka; yule kijana akapona tangu saa ile. Kisha wale wanafunzi wakamwendea Yesu kwa faragha wakasema Mbona sisi hatukuweza kumtoa?Yesu akawaambia, Kwa sababu ya upungufu wa imani yenu. Kwa maana, amin, nawaambia, Mkiwa na imani kiasi cha punje ya haradali mtauambia mlima huu, Ondoka hapa uende kule; nao utaondoka; wala halitakuwako neno lisilowezekana kwenu. [Lakini namna hii haitoki ila kwa kusali na kufunga.” Mathayo 17:14-21

Kila tatizo la mtu alilolipitia nyuma yake kuna viumbe wa kiroho wanao sababisha matatizo kwa mtu huyo na zipo njia tofauti tofauti ya kulitatua mengine kwa kusifu na kuabudu na mengine kwa kufunga na kuomba.

Iko mamlaka ya rohoni na nguvu ya rohoni ambayo mtu wa Mungu anamamlaka juu ya hiyo nguvu inayo weza kutatua tatizo ulilo nalo lililo sababishwa na viumbe wa kiroho.

“Wakafika ng’ambo ya bahari mpaka nchi ya Wagerasi. Na alipokwisha kushuka chomboni, mara alikutana na mtu, ambaye ametoka makaburini, mwenye pepo mchafu; makao yake yalikuwa pale makaburini; wala hakuna mtu ye yote aliyeweza kumfunga tena, hata kwa minyororo; kwa sababu alikuwa amefungwa mara nyingi kwa pingu na minyororo, akaikata ile minyororo, na kuzivunja-vunja zile pingu; wala hakuna mtu aliyekuwa na nguvu za kumshinda. Na sikuzote, usiku na mchana, alikuwako makaburini na milimani, akipiga kelele na kujikata-kata kwa mawe. Na alipomwona Yesu kwa mbali, alipiga mbio, akamsujudia; akapiga kelele kwa sauti kuu, akasema, Nina nini nawe, Yesu, Mwana wa Mungu aliye juu? Nakuapisha kwa Mungu usinitese. Kwa sababu amemwambia, Ewe pepo mchafu, mtoke mtu huyu. Akamwuliza, Jina lako nani? Akamjibu, Jina langu ni Legioni, kwa kuwa tu wengi. Akamsihi sana asiwapeleke nje ya nchi ile. Na hapo milimani palikuwa na kundi kubwa la nguruwe, wakilisha. Pepo wote wakamsihi, wakisema, Tupeleke katika nguruwe, tupate kuwaingia wao. Akawapa ruhusa. Wale pepo wachafu wakatoka, wakaingia katika wale nguruwe; nalo kundi lote likatelemka kwa kasi gengeni, wakaingia baharini, wapata elfu mbili; wakafa baharini. Wachungaji wao wakakimbia, wakaieneza habari mjini na mashambani. Watu wakatoka walione lililotokea. Wakamwendea Yesu, wakamwona yule mwenye pepo, ameketi, amevaa nguo, ana akili zake, naye ndiye aliyekuwa na lile jeshi; wakaogopa.” Marko5:1-15

Mashetani wanauwezo wa kumfanya mtu afanye mambo kwa kuvuviwa akili na mashetani na mambo hayo sio mazuri machoni pa Mungu na wanadamu kwa akili za kawaida hayawezekani mtu kuyafanya akiwa na akili zake timamu hata kama hana Mungu, Usipo jua kushughulika na viumbe wa kiroho utafanya mambo nje ya akili yako kwa kuvuviwa akili na viumbe wa niroho  wapo kwenye ulimwengu wa giza inakubidi kuomba  ili kuweza kupata akili nzuri

“Ndivyo utakavyopata kibali na akili nzuri, Mbele za Mungu na mbele ya mwanadamu” mithali 3:4

“KWA NAMNA HII HAIWEZEKANI ILA KWA KUFUNGA NA KUMBA” AMEN

"BONYEZA HAPA KUANGALIA IBADA NZIMA YA JUMAPILI"