KESHO YAKO ILISHAAMRIWA NA MUNGU

UFUFUO NA UZIMA CATHEDRAL
IBADA YA JUMAPILI 22.12.2024
ASKOFU DR JOSEPHAT GWAJIMA
SOMO: KESHO YAKO ILISHAAMRIWA NA MUNGU

Nyuma ya kila mwanadamu kuna mamlaka iliyomuweka. Ukimuona ng’ombe yupo juu ya tawi kwenye mti anakula majani, amewekwa. Yeremia alijulishwa kuwa kachaguliwa alipokuwa kijana sasa. Yeremia. Kila mtu kuna kazi kapewa ya kutimiza hapa duniani. 

“Maneno ya Yeremia, mwana wa Hilkia, mmoja wa makuhani waliokuwa katika Anathothi, katika nchi ya Benyamini; ambaye neno la BWANA lilimjia katika siku za Yosia, mwana wa Amoni, mfalme wa Yuda, katika mwaka wa kumi na tatu wa kumiliki kwake. Tena lilikuja siku za Yehoyakimu, mwana wa Yosia, mfalme wa Yuda, hata mwisho wa mwaka wa kumi na mmoja wa Sedekia, mwana wa Yosia, mfalme wa Yuda; hata wakati ulipochukuliwa mateka Yerusalemu, katika mwezi wa tano. Neno la BWANA lilinijia, kusema, Kabla sijakuumba katika tumbo nalikujua, na kabla hujatoka tumboni, nalikutakasa; nimekuweka kuwa nabii wa mataifa. Ndipo niliposema, Aa, Bwana MUNGU! Tazama, siwezi kusema; maana mimi ni mtoto. Lakini BWANA akaniambia, Usiseme, Mimi ni mtoto; maana utakwenda kwa kila mtu nitakayekutuma kwake, nawe utasema kila neno nitakalokuamuru. Usiogope kwa sababu ya hao maana mimi nipo pamoja nawe nikuokoe, asema BWANA.” Yeremia 1:1-8

Yeremia anaambiwa maneno haya akiwa mtoto, lakini haiondoi kuwa alikuwepo tangu hajazaliwa. Yesu hakuanza kuwa Mungu alipozaliwa la hasha, alikuwepo tangu hajazaliwa. Yesu alikuwa ni mwana kondoo aliyekwisha chinjwa mbinguni, wito wake wa kufa baada alikuja nao kabla hajaziliwa. Hakuna wakukuondolea wito uliopewa na Mungu. 

“Nami niliaminilo ndilo hili, ya kwamba yeye aliyeanza kazi njema mioyoni mwenu ataimaliza hata siku ya Kristo Yesu.” Wafilipi 1:6

Mpango wa Mungu unaanzia juu kabisa, kabla hujaziliwa ulishapangiwa utakuwa nani. Kabla mbingu na nchi hazijaumbwa hatima yako ilipangwa kabla. Pamoja na magumu unayopitia, mpango wa Mungu juu yako uko palepale.

Wewe unaonekana wa kawaida nje lakini mtu mwenye uwezo wa rohoni anakuona kama mtu mwenye uwezo mkubwa sana. Kuzimu inakuona vile ulivyo. Yeremia alikuwa mtoto lakini Mungu alimuona kama mtu mkubwa sana. Badiliko la mtu huwa linamahala pakutokea (turning point – mahala ambapo Maisha hugeukia). Yesu alikuwa wa kawaida mtoto wa seremala lakini alipofika thelathini ndipo alipoanza kutekeleza kusudi lake. Kuanza kutumikia shauri la mbinguni ni muda mchache.

Kwa maana kila kitu kilichozaliwa na Mungu huushinda ulimwengu; na huku ndiko kushinda kuushindako ulimwengu, hiyo imani yetu. 1Yohana5:4

Wewe umeshuka kutoka mbinguni na hatima yako. You are sharpened. Kazi iliyomleta Yesu duniani aliifanya kwa miaka mitatu tu, ila kazi ambazo hakuitiwa kama useremala alifanya muda mrefu zaidi. Sara aliletwa duniani kuleta uzao wa Mungu, ikafika ukomo wa kuzaa mpaka malaika alipokuja kumjuza habari akacheka, hakuamini. Uwezo ulionao leo haumui utakuwa nani. 

Ndipo Ibrahimu akaanguka kifudifudi akacheka, akasema moyoni, Je! Mtu wa umri wa miaka mia, kwake atazaliwa mtoto? Naye Sara mwenye umri wa miaka tisini atazaa? Mwanzo 17:17

Kuna wakati mwingine Mungu anakufunga usijue wewe ni nani ili usije ukawaringia watu. Wewe ulipotoka mbinguni umepangiwa kuwa mtu fulani, hapo ulipo sio penyewe. Mungu anakupigisha hatua polepole mpaka ufike kwenye hatima yako.

"Wakamwuliza, Ni nini basi? U Eliya wewe? Akasema, Mimi siye. Wewe u nabii yule? Akajibu, La." yohana 1:21

BONYEZA HAPA KUANGALIA IBADA NZIMA YA JUMAPILI"